Пришти бабки Анці

Аркадій Шиншинов 13.10.2018 22:14 ДОЗВІЛЛЯ

Бабка Анця і питання ідентифікації.

— Йой, ци чувісь, Аркашику, у Пелехарьової у зятя коза здохла, та козята не знає де діти, не треа вам?

Козят мені не треа, у мене п’ять котів і дві собаки. Кози в цю гармонію вже не поміщаються. Але вперше за довгі роки я вирішив дізнатись хто така Пелехарьова і хто її зять.

— А котра тото Пелехарьова?

— Нно, пать тото Маріки Бенцової з пуд берега, сестра. Того Пелехаря, що їм гудтепер грум сливу убалив, не чувісь? Тото они ся фурт сважали з Мірков Іваньцьовов чія тото слива, бо на межі стояла, а у літі у ниї грум ударив, та убалив ї гет.

Ти Пелехаря маєш знати, його брацького син з тобов до увошколи ходив, такий файний хлоп, Аньцю Петракову узяв з Заберижи, що у ниї дідо пасіку мав. То давно, тоди пасіку мали лиш твуй дідо, Прокоп тай він. А пак ся побили з Прокопом, коли му бчоли до Петрака на грушу ся вироїли. Не чувісь? Но та тото рев був на цілий край, бо Федурцяня ся їм там запхала мирити, а Прокоп тото бітанга був, та насипав юй у жеб жминю бчол. Чуй тота ревала гі бугол, но а нащо ся межи люди пхати. А того Петракового брацького мусиш знати, ти його вуйкови свадьбу гусляв. Коли вун свою меншу Надьку уддавав. Пать мусиш тямити, до Угольки ся вуддала, за Циля, що у Ціріпатурах, що му нянько хромий був.

Як не знаєш, нянько му малим з вітцьом з Колочавіи ще бокори водили, та дітвакови ногу уломило..? І так не знаєш?

Сестра його ходила у єден клас із фельшерки дочкою, тоту мусиш знати, Маша, типирь у Тячові жиє.

На мою грішну, пак як ти маю уповісти, кідь на кого ся не зазвідаю — нікого не знаєш?

Аркадій Шиншинов

ТЕГИ : Пришти бабки Анці

Коментарі :


Додати коментар

 

 

 

Погода

Оголошення

Архів новин

Влада

Чи влаштовує вас влада в Україні?


Влаштовує
Не влаштовує
Мені однаково


Голосувати/результат